Շենգավիթ վարչական շրջանի նախկին ղեկավար Ռազմիկ Մկրտչյանը ֆեյսբուքյան գրառմամբ նշում է.
«Ես՝ Ռազմիկ Մկրտչյանս, տեղեկացնում եմ, որ 2025 թվականի հոկտեմբերի 3-ին որոշում եմ կայացրել դուրս գալ «Քաղաքացիական պայմանագիր» կուսակցությունից։
Վերջին ամիսներին, առավել քան երբևէ, զգացել եմ Շենգավիթի բնակիչների անկեղծ աջակցությունն ու հավատը։
Դա ամենամեծ գնահատականն է, որը կարող է ստանալ յուրաքանչյուր պատասխանատու մարդ։
Կարդացեք նաև
Հպարտություն է լինել համայնքի մի մաս, որտեղ վստահությունը ձևավորվում է գործով, իսկ միասնությունը՝ փոխադարձ հարգանքով»։
Հիշեցնենք, որ Ռազմիկ Մկրտչյանը թաղապետի պաշտոնից հրաժարական է տվել հունիսի 10-ին, իսկ հունիսի 11-ին նա կալանավորվել էր։ Հետո խափանման միջոցը փոխվել է տնային կալանքի։
ՔՊ–ի Շենգավիթի տարածքային կառավարման խորհրդի նախագահ Տիգրան Մակարյանին ծեծի ենթարկելու և նրա ազատությունը սահմանափակելու համար մեղադրվող, տնային կալանքի տակ գտնվող Ռազմիկ Մկրտչյանի խափանման միջոցը, «Հրապարակ»-ի տեղեկություններով, դատարանը երեկ փոխել է`կիրառելով վարչական հսկողություն, համակցված` բացակայելու արգելքով:
