Aravot.am-ը ասուլիսի ժամանակ Սամվել Կարապետյանի միջազգային փաստաբան Ռոբերտ Ամստերդամից հետաքրքրվեց՝ Քննչական կոմիտեի մամուլի խոսնակը ԶԼՄ-ներին հայտնել է, որ Սամվել Կարապետյանի մեղադրանքը փոփոխվել է եւ ավելացվել են Քրեական օրենսգրքի 296-րդ հոդվածի 3-րդ մասի 2-րդ և 3-րդ կետերը (իշխանական կամ ծառայողական լիազորությունները կամ դրանցով պայմանավորված ազդեցությունն օգտագործելով առանձնապես խոշոր չափերով փողերի լվացումը), ի՞նչ իշխանական կամ ծառայողական լիազորություններ է ունեցել Սամվել Կարապետյանը, որ հնարավոր կդարձներ նրան նման մեղադրանք առաջադրել:
«Սամվել Կարապետյանին վերագրվող մեղադրանքը Դիսնեյլենդում կառուցված մեղադրանք է, ոչ ես, ոչ որեւէ մեկը չի կարող պատկերացում ունենալ…Բառիս բուն իմաստով սա Դիսնեյլենդի մեղադրանք է: Եվ նրանք շատ լավ գիտակցում են, որ որեւէ արժանահավատություն չկա դրանում, խոսքն այն մեղադրանքի մասին է, որը վերաբերվում է իշխանությունը տապալելուն, ինչը խղճուկ տեսք ունի:
Եվ քանի որ պարոն Կարապետյանը գործարար է, ավելացրել են «փողերի լվացում» բառակապակցությունը»,- ասաց Ռոբերտ Ամստերդամը:
Փաստաբանի ձեւակերպմամբ. «Եթե այդ հարցի մեջ խորանաք, իսկ մենք նոր ենք սկսել փորփրել, զավեշտալի ածականը շատ բարձր ստանդարտ կլինի կիրառելու համար: Այստեղ կարեւոր է հասկանալ հետեւյալը՝ կառավարությունը փորձում է փչացնել Կարապետյանի վարկանիշը…Դա անում են, որովհետեւ վախենում են գալիք ընտրություններից…Ես աշխարհում ամենուր աշխատել եմ, այդ թվում՝ Ուգանդայում եւ Տանզանիայում, ինձ թվում է նույնիսկ Տանզանիայում կամաչեին Կարապետյանի գործի նման դատական գործ ունենալ»:
Կարդացեք նաև
Ասուլիսն՝ ամբողջությամբ.
Գոհար ՀԱԿՈԲՅԱՆ
