Շարունակվում է Սամվել Կարապետյանի կալանքը երկարաձգելու միջնորդության քննությունը: «Մեր պաշտպանական կողմի դիրքորոշումները ներկայացնելու փուլն ավարտեցինք: Բոլոր պաշտպաններով մանրակրկիտ ներկայացրինք մեր փաստարկները, այլ կերպ ասած հաստատապես կարող եմ ասել, որ մեր դիրքորոշումների պայմաններում, եթե ունենանք ողջամիտ հնարավորություն իրական իրավաբանության, արդարադատության, միանշանակ է, որ այս միջնորդությունը պետք է մերժվի»,- լրագրողների հետ զրույցում ասաց գործարար, բարերար Սամվել Կարապետյանի փաստաբանական խմբի անդամ Արամ Վարդևանյանը:
«Փուլային իմաստով, մեր ակնկալիքի նշաձողը բավականին ցածր է, մենք չենք ուզում 100 տոկոս ծավալի իրավաբանություն, որովհետեւ հասկանում ենք, որ դա կլինի միամտություն կարծել, որ կարող ենք դա ունենալ այսօր: Մի բան շատ հստակ է՝ ձեզանից յուրաքանչյուրի ներկայությունը, աջակցությունը չափազանց կարեւոր է, եւ դա յուրաքանչյուրս զգում ենք»,-հավելեց փաստաբանը: Նրա ձեւակերպմամբ, իրավաբանության 5-10 տոկոսը բավարար է, որ այս միջնորդությունը մերժվի եւ լինի արդարություն ու ազատություն: Նշենք, որ հայտարարվել է 30 րոպեանոց ընդմիջում:
Կարդացեք նաև
Գոհար ՀԱԿՈԲՅԱՆ
