ԵՄ պատգամավորները շարունակում են կասկածի տակ դնել ԵՄ ղեկավարության դիրքորոշումը Լեռնային Ղարաբաղի չլուծված հարցերի շուրջ։
Եվրախորհրդարանի պատգամավորների մի խումբ՝ Թեյս Ռոյտենը (Սոցիալ-դեմոկրատ), Մարի Տուսենը (Կանաչներ/ԵՄ), Խուան Ֆեռնանդո Լոպես Ագիլարը (Սոցիալ-դեմոկրատ) և Նաչո Սանչես Ամորը (Սոցիալ-դեմոկրատ), հարց են ներկայացրել Եվրոպական հանձնաժողովի փոխնախագահ, ԵՄ արտաքին գործերի և անվտանգության քաղաքականության հարցերով բարձր ներկայացուցիչ Կայա Կալլասին՝ «Լեռնային Ղարաբաղից տեղահանված անձանց և ռազմագերիների չլուծված իրավիճակը խաղաղության համաձայնագրից հետո» թեմայով։
Եվրախորհրդարանի պատգամավորները շեշտել են. «Եվրոպական հանձնաժողովի փոխնախագահը/ԵՄ արտաքին գործերի և անվտանգության քաղաքականության հարցերով բարձր ներկայացուցիչն ընդգծել է, որ տեղահանված հայերի «առանց սպառնալիքների և խտրականության… վերադառնալու իրավունքը մարդու հիմնարար իրավունք է», ընդգծվել է նաև հայ բանտարկյալների համար արդար դատավարությունների և կալանքի բավարար պայմանների անհրաժեշտությունը։
Հաշվի առնելով Եվրոպական միության մասին պայմանագրի 21-րդ հոդվածը և Ադրբեջանի հետ 1999 թվականի գործընկերության և համագործակցության համաձայնագրի (ԳՀՀ) 2-րդ հոդվածը՝
Կարդացեք նաև
-
Արդյոք Բարձր ներկայացուցիչը/փոխնախագահը (ԲՆ/ՓՆ) համարո՞ւմ է, որ Ադրբեջանը կատարում է մարդու իրավունքների իր պարտավորությունները ԳՀՀ-ի շրջանակում՝ կապված տեղահանված և կալանավորված հայ անձանց հետ։
-
Արդյոք Բարձր ներկայացուցիչը/փոխնախագահը համաձա՞յն է, որ Ադրբեջանը չկատարած պարտավորություններ և պատասխանատվություն ունի միջազգային իրավունքի շրջանակում։
-
ԳՀՀ-ի համատեքստում, ի՞նչ դեր կարող է ունենալ Եվրամիությունը՝ մարդու իրավունքների և անցումային արդարադատության չլուծված հարցերի լուծման գործում:
