Այսօր ժամը 12-ի սահմաններում մետրոյի Գարեգին Նժդեհի կայարանից շարժվելիս գնացքը կտրուկ արգելակեց՝ չհասած Շենգավիթ կայարան, մարդիկ իրար վրա «լցվեցին»: Այնուհետեւ գնացքը մի քանի արգելակումներով եւ փոքր դադարներով առաջ շարժվեց, մինչեւ հասավ Շենգավիթ կայարան: Վագոնում, որտեղ ինքս էի, մարդիկ խուճապահար էին:
Երեւանի մետրոպոլիտենի լրատվականից Aravot.am-ին պարզաբանեցին, որ հոսանքի տատանումների պատճառով անջատվել են թունելի լուսացույցի լույսերը, դրա համար էլ գնացքը չի կարողացել շարժվել: Նաեւ հավաստիացրին, որ մետրոյում նման բան հազվադեպ է պատահում, իսկ լինելու դեպքում հոսանքի տատանումը կարող է տեւել ոչ ավել, քան 30 վայրկյանը:
Գոհար ՀԱԿՈԲՅԱՆ
