Սենթ-Լուիսում շարունակվող շախմատի ԱՄՆ առաջնության 7-րդ տուրի տղամարդկանց պայքարում Սամուել Սեւյանը հաղթանակ է գրանցել, իսկ Լեւոն Արոնյանը խաղացել է ոչ-ոքի: 8-րդ տուրից առաջ, որտեղ Արոնյանը խաղալու է Սեմ Շենկլանդի հետ, իսկ Սեւյանը,՝ Դարիուշ Սվյերչի, Լեւոնը 4,0 միավորով շարունակում է ընթանալ 4-րդ հորիզոնականում, իսկ Սամուելը 3,5 միավորով բարձրացել է 6-րդ տեղ:
Կանանց պայքարում Աննա Սարգսյանը առավելության է հասել Թալիա Սերվանտեսի նկատմամբ, իսկ Տաթեւ Աբրահամյանը միավորը բաժանել է Աննա Զատոնսկիխի հետ: Այժմ Աննան 4,5 միավորով 2-րդ տեղում է, Տաթեւը 4,0 միավորով՝ 6-րդ:
Այսօր Աննա Սարգսյանի մրցակիցը լինելու է Ատուսա Պուրկաշիյանը, իսկ Տաթեւը խաղալու է առաջատար Ալիս Լիի հետ:
Աշոտ ՀԱԿՈԲՅԱՆ