Գյումրիում իրավիճակը գերլարված է, սկսվել են բախումներ քաղաքացիների ու կարմիր բերետավորների միջև։ «Թողեք, գնացեք Երևան, բավ է, որտեղից եկել եք, էնտեղ գնացեք, հանգիստ թողեք մեզ։ Փաշինյան, դու Գյումրիում հաղթանակ երբեք չես տոնի, մոռացի», ֊բացականչում են քաղաքացիները։
Վարդանանց հրապարակը լեփ֊լեցուն է։ Քաղաքապետարանի մուտքի մոտ քաղաքացիները բացականչում են «Վարդա՜ն, Վարդա՜ն»:
Կարդացեք նաև
«ՔՊ֊ի պարտությունը սկսվելու է Գյումրիից, հավաքվեք», ֊բացականչում էր քաղաքացիներից մեկը։
Գյումրու ավագանու ՀԿԿ–ի խմբակցությունը դիմում է ՀՀ–ում հավատարմագրված դեսպաններին` հորդորելով գալ և տեղում ծանոթանալ իրավիճակին: «Հարգելի դեսպաններ, ՀՀ իշխանությունների կողմից վերջին օրերին առավել հետևողականորեն քաղաքական ու ուժային տարբեր միջոցների կիրառմամբ իրականացնում է քաղաքական հաշվեհարդար և հետապնդում Գյումրու քաղաքապետի նկատմամբ։ Քաղաքական հալածանքն առավել ուժգնացավ Նիկոլ Փաշինյանի կողմից Գյումրու քաղաքապետի նկատմամբ քաղաքական հալածանք և բռնաճնշումներ իրականացնելու հրապարակային հայտարարությունից»,– հայտարարությունը կարդաց Գյումրու քաղաքապետ Վարդան Ղուկասյանի մամուլի խոսնակ Լիլիթ Աղեկյանը։
Նունե ԱՐԵՎՇԱՏՅԱՆ
