«Մեր ձևով» համաժողովրդական շարժման մամուլի խոսնակ Մարիաննա Ղահրամանյանի ֆեյսբուքյան գրառմամբ նշում է.
«Ի պատասխան լրագրողների հարցումների, իշխանական ԶԼՄ-ներով տարածված ձայնագրության հետ կապված քննչական գործողությունների իրականացման վերաբերյալ որևէ տեղեկություն չունենք, և, ընդհանրապես, «Մեր ձևով» շարժումը որևէ կապ չունի «ձայնագրության» մասնակից անձանց հետ, ամենայն հավանականությամբ «ձայնագրությունը» բեմադրված է վատ բեմադրիչի կողմից, որը նաև վատ կառավարիչ է»:
Հիշեցնենք, որ Փաշինյանի ընտանիքին պատկանող «Հայկական ժամանակ»-ը գրել էր, որ ձայնագրություն է տարածված, որով «Մեր ձևով» շարժումը հանրահավաքին մարդկանց, իբրև թե, գումարով է տանում։ «Հայկական ժամանակ»-ի հարցին ի պատասխան՝ ՆԳՆ ոստիկանությունից հայտնել են, որ հանցագործության մասին հաղորդում է ներկայացվել ՀՀ քննչական կոմիտե:
