Կապանում մարդիկ ընդհանուր առմամբ, հետեւում են մայրաքաղաքում տեղի ունեցող անցուդարձին․ բարկանում, ոգեւորվում, հիասթափվում են, բայց իրենց հույսերն ու հուզերը չեն ցանկանում տեսախցիկների առջեւ արտահայտել։
Ամեն դեպքում, Aravot.am-ի հետ զրույցներում, կապանցիներն առավելապես գերադասում էին խոսել առանց տեսախցիկների, իսկ մարդկանց խոսքում անհանգստություններ եւ անորոշություններ կան ապագայի նկատմամբ։
Նիկոլ Փաշինյանի եւ ՔՊ-ական իշխանության խոստացած խաղաղությունն այդքան էլ չի հուսադրում։ Մեր զրուցակիցներից շատերն էին թերահավատ, մանավանդ, վերջին զարգացումների ֆոնին։
«Խայտառակություն է։ Երկրի ղեկավարը՝ ղեկավարի նման չի․․․ էն կարգի մարդկանց գցում է գաղութներ, բռնել է տալիս․․․ Եկեղեցին, էն մինը, էն մինը։ Եթե ինքը ընտրվեց՝ ստեղ անելու բան չկա։ Ոչ կուսակցական, ոչ բան, ինձ հետաքրքիր չի, ով ուզում է լինի, որ կարողանա մեր երկիրը պահի»,- կարծիք հայտնեց մեր զրուցակիցներից մեկը։
Կարդացեք նաև
Մեր մեկ այլ զրուցակից՝ հավաստիացրեց, մարդու իրավունքների նախկին պաշտպան, «Միասնության թեւեր» նախաձեռնության ղեկավար Արման Թաթոյանի նկատմամբ բավական դրական վերաբերմունք կա։ Համենայնդեպս, իր շրջապատում, ասում է՝ քիչ չեն մարդիկ, որ Արման Թաթոյանին հավանում են, հավատում են եւ կվստահեն։
Կապանում Նիկոլ Փաշինյանին էլ դեռ վստահող եւ հավատացողներ կան։
Aravot.am-ի անցկացրած փոքրիկ հարցախույզը, ամեն դեպքում, հետաքրքիր պատկեր է բացահայտել։
Մանրամասները՝ տեսանյութում
Նելլի ԳՐԻԳՈՐՅԱՆ
