ԱԺ-կառավարություն հարցուպատասխանի ժամանակ ԿԳՄՍ նախարար Ժաննա Անդրեասյանն անդրադարձավ Մանկավարժական համալսարանի ռեկտորի եր պրոռեկտորի վերաբերյալ քրեական գործին։
«Ես պետք է անկեղծորեն ասեմ, որ սա ինձ համար շատ ցավոտ հարց է, մտահոգիչ իրավիճակ է։ Եվ առաջին հերթին կուզեմ շնորհակալություն հայտնել մեր իրավապահ մարմիններին։ Ինձ համար անբնական իրավիճակ է եւ ընկալելի չէ, որ մենք խոսում ենք, գործում ենք, մեր քայլերը անում ենք ինչ-որ տրամաբանության մեջ, եւ այնպիսի բուհում, որտեղ կրթվում են մեր ապագա ուսուցիչները, տեղի են ունենում գործընթացներ, որոնք նկարագրված էին տարածված հաղորդագրության մեջ»,- ասաց Անդրեասյանը։
Նա նշեց, որ վերոնշյալ անձանց պաշտոնավարման կասեցման վերաբերյալ միջնորդություն է եղել։ «Այսօր տեղի է ունեցել հոգաբարձուների խորհրդի նիստ, որով ռեկտորի լիազորությունները կասեցվել են։ Եվ ժամանակավոր պաշտոնակատարի հարցն է կարգավորվել, որպեսզի բուհի բնականոն գործունությունը տեղի ունենա»,- նշեց նա։
Մանրամասները՝ տեսանյութում
Կարդացեք նաև
Ժաննա Անդրեասյանը հավելեց, որ առաջիկայում պետք է շատ լրջորեն դիտարկեն բուհի ամբողջ անձնակազմի տեղեկացվածության հետ կապված հարցերը։ «Ես կարծում եմ, որ որեւէ մեկը, ով ինչ-որ ձեւով ու չափով կարող էր այս մասին տեղեկանալ, գլխի ընկնել եւ ժամանակին չահազանգել, նրա հետագա աշխատանքը բուհում պետք է քննարկվի»,- հավելեց նախարարը։
Ամբողջական տեսանյութը՝ այստեղ
Ռոզա ՀՈՎՀԱՆՆԻՍՅԱՆ
