Երեւանի ավագանու հոկտեմբերի 23-ի նիստում, ի թիվս այլնի, քննարկվում էր Լենինգրադյան փողոցը Քըրք Քըրքորյանի անունով անվանափոխելու հարցը: Երեւանի ավագանու «Հանրապետություն» խմբակցության ղեկավար Անի Խաչատրյանը ներկայացրեց նախագիծը, ասաց, որ բոլորին ծանոթ է Քըրք Քըրքորյանի կենսագրությունը: Նաեւ հիշեցրեց, որ Լենինգրադյան փողոցը Լեւոնիդ Ազգալդյանի անունով անվանափոխելու նախագիծ եղել է 2017 թ.՝ Ելք խմբակցության կողմից, սակայն այն ժամանակ Հանրապետական իշխանությունը Ազգալդյանի անունով անվանակոչել է մեկ այլ՝ Սարալանջի մի փողոց:
Մանրամասն՝ տեսանյութում.
Անի Խաչատրյանն ասաց նաեւ, որ Լենինգրադյան փողոցն անվանափոխելու հարցն արդեն 10 տարի օրակարգում է: Հավելեց, որ Ակտիվ քաղաքացի հարթակում շուրջ 300 հոգի կողմ է քվեարկել, միայն 8 հոգի է դեմ քվեարկել:
Կարդացեք նաև
Նա նաեւ պատասխանեց հարցերի, դրանցից մեկը վերաբերվում էր տասնյակ հազարավոր քաղաքացիների անձնագրերում փոփոխություններին: «Հանրապետություն» խմբակցության ղեկավարն ասաց, որ անձնագրերում փոփոխություն կլինի միայն բնակարանների վաճառքի դեպքում, երբ վկայական փոխվի:
Ավագանու նիստն ամբողջությամբ.
ԳՈՀԱՐ ՀԱԿՈԲՅԱՆ
