«Եթե ես երեկ ելույթ ունենայի, ապա կասեի, որ ՀՀ-ում կա 20-ից ավելի քաղբանտարկյալ։ Այսօր ցավով պետք է ասեմ, որ ՀՀ-ում կա 40-ից ավելի քաղբանատարկյալ։ Երեկ քաղբանտարկյալների շարքերը լրացրեցին բազմաթիվ գյումերցիներ, ովքեր դուրս էին եկել իրենց անհամաձայնությունը հայտնելու այս իշխանության կապրիզներին, բայց հայտնվեցին բանտում, ինչպես դա սովորաբար լինում է»,- ԱԺ նիստում ասաց «Հայաստան» խմբակցության պատամավոր Էլինար Վարդանյանը։
Նա ընթերցեց ԵԽԽՎ բանաձեւը եւ հարցարդում արեց․ «Բա հիմա էդ քաղաքացիները, եթե քաղբանտարկյալ չեն, ի՞նչ են»։
Էլինար Վարդանյանն ասաց, որ արդեն կալանավորում են իրավապաշտպաններին ու փաստաբաններին։ «Մենք մինչեւ հիմա գիտեինք, որ իրավապաշտպաններին կալանավորում են բռնապետական երկրներում, ինչպիսին Ադրբեջանն է։ Դրա մասին ՄԻԵԴ բազմաթիվ որոշումներ կան։ Հիմա մե՞նք էլ ենք արդեն իրավապաշտպաններին կալանավորում»,- նշեց պատգամավորը։
Մանրամասները՝ տեսանյութում.
Կարդացեք նաև
Վարդանյանը դիմեց ՔՊ-ականներին․ «Այնպես արեք, որ վաղը մի փաստաբան լինի, որ ձեր շահերը պաշտպանի»։
«Ո՞նց է լինում, որ ժողովրդավարական երկրում բոլորին գաղտնալսում են։ Եթե գաղտնալսում եք, ջհանդամ, գաղտնալսեք, խի՞ եք կտրում-կպցնում էդ ձայնագրություններն իրար։ Հանրության վստահությունն իրավապահ համակարգի հանդեպ ո՞նց է լինելու։ Մենք տեսանք, թե այդ ձայնագրություններն այս ամբիոնից ոնց էին ներկայացվում, հետո պարզվեց՝ լրիվ կոնտեքստից կտրված եւ իրար կցված ձայնագրություններ են»,- հավելեց նա։
Ամբողջական տեսանյութը՝ այստեղ.
Ռոզա ՀՈՎՀԱՆՆԻՍՅԱՆ
