Վրաստանի դատախազությունը նախկին վարչապետ Իրակլի Ղարիբաշվիլիին մեղադրանք է առաջադրել առանձնապես խոշոր չափի անօրինական եկամուտների օրինականացման համար, հայտնում է Ինտերֆաքսը:
Ճեպազրույցի ժամանակ Վրաստանի գլխավոր դատախազ Գիորգի Գվարակիձեն հայտարարել է, որ դատախազությունը դատարանից պահանջել է որպես խափանման միջոց սահմանել մեկ միլիոն լարիի գրավ:
Ավելի վաղ գլխավոր դատախազությունը հայտնել էր, որ հոկտեմբերի 17-ին խուզարկություններ են իրականացվել Ղարիբաշվիլիի, նախկին գլխավոր դատախազ Օթար Պարցխալաձեի և նրանց մտերիմ 8 այլ անձանց տներում։
Ձերբակալվել էր Պետական անվտանգության ծառայության նախկին ղեկավար Գրիգոլ Լիլուաշվիլիի ազգականը՝ Անդրիա Լիլուաշվիլիին:
Կարդացեք նաև
Ընդհանուր առմամբ, առգրավվել է ավելի քան 11 միլիոն դոլար և այլ արժեքավոր իրեր։
Հիշեցնենք՝ Ղարիբաշվիլին պաշտոնից հրաժարվելու և քաղաքականությունից հեռանալու որոշման մասին ժամանակ հայտարարել էր ապրիլին: Նա «Վրացական երազանք» կուսակցության նախագահ է ընտրվել 2024 թվականի փետրվարի 1-ին, կուսակցության գործունեությանը մասնակցելով 2012 թվականից՝ դրա հիմնադրումից ի վեր։
2012-2013 թվականներին Ղարիբաշվիլի զբաղեցրել է Վրաստանի ներքին գործերի նախարարի, և երկու անգամ (2013 և 2021 թվականներին)՝ վարչապետի պաշտոնը։
2019-2022 թվականներին էլ Վրաստանի պաշտպանության նախարարն էր։
