-Կատարել եմ իմ ընտրությունը որպես Հայ Առաքելական եկեղեցու հետեւորդ: Գնալու եմ եկեղեցին ազատագրելու ճանապարհով: Այսօր այստեղ եմ ոչ միայն կիրակնօրյա պատարագին մասնակցելու, այլեւ ի աջակցություն «տեր Արամի»,- այսօր լրագրողներին ասաց Հովհաննավանքում կարգալույծ հռչակված «տեր Արամի»՝ Ստեփան Ասատրյանի «պատարագին» մասնակցելու եկած Արագածոտնի մարզպետ Սերգեյ Մովսիսյանը:
Նրա խոսքով՝ ինքը ՀՀ ցանկացած կետում կլինի, եթե մեր հոգևորականները վեր կանգնեն իրենց վախերից ու բարձրաձայնեն այն արատավոր երեւույթները, որոնք արատավորում են Հայ Առաքելական եկեղեցին:
Լրագրողները նյրանից հետաքրքրվեցին՝ ՔՊ-ի կողմից «պատարագին» մասնակցելու հրահանգ տրվե՞լ է իրեն, ի պատասխան ասաց՝ իհարկե ոչ:
Նա նաև մեկնաբանեց համացանցում տարածված սկանդալային տեսագրությունը. «Հասկացա, որ տեսանյութի մասին է, ինձ թվաց՝ դա բավականին հին տեսանյութ էր: Ես բացառում եմ իշխող թիմի, ուժային կառույցների կողմից ինչ-որ մի տեղ արվի օպերատիվ գործողություն ու չլինի համապատասխան դատարանի որոշում: Այդ ամենը կարգավորվում է օրենքով, եթե դատարանը թույլ է տալիս, մնացածն իմ գնահատականը չէ; Իսկ այլ պարագայում, որ անօրինական տեսաձայնագրում լինի, դատապարտելի է, իսկ տեսանյութի հետ կապված մեկնաբանություն չունեմ»:
Կարդացեք նաև
Լրագրողի դիտարկմանը, թե տեսագրության հրապարակումից առաջ տեսագրության բովանդակությունն իր facebook-յան էջում ներկայացրել էր Փաշինյանը, մարզպետն ասաց. «Վարչապետն ունի բազմաթիվ տեղեկատվություն, մի մասը տալիս են համապատասխան գերատեսչություններն ի պաշտոնե, մյուս մասը մարզի, գյուղերի բնակիչներ. «Որոշ դեպքերում ինձնից լավ գիտի ՝ մեր մարզում, մեր գյուղերում՝ ինչ է կատարվում, որովհետեւ մեր ժողովուրդն ակտիվ նրա մեյլին, ու facebook-ին գրում են: Բավական մեծ տեղեկատվություն ունի:
Չգիտեմ՝ վարչապետի տեղեկատվությունը որտեղից է եղել, բայց գիտեմ՝ նրան տեղեկություններ տվողներ շատ կան»:
Արփինե ՍԻՄՈՆՅԱՆ
