ԶԳ՜ՈՅՇ ԺՈՂՈՎՈՒՐԴ ՀԱՅՈՑ…
Մեր շուրջը ու նոյնիսկ մեր կեանքէն ներս մեր ազգը, Հայրենիքը, եկեղեցին, կազմակերպութիւնները, համայնքները եւ Սփիւռք-Հայաստան գործակցութիւնը պառակտելու լուրջ փորձեր կը կատարուին, որոնց նշանները յստակօրէն կը տեսնենք Հայաստանի թէ Սփիւռքի մէջ։
Ըլլանք արթուն եւ զգօն։
Կառչինք մեր արժէքներուն, սրբութիւններուն, աւանդութիւններուն ու մեր արմատներուն` մերժելով այնպիսի արժեհամակարգեր, մտածելակերպեր ու գործելակերպեր, որոնք խոտոր կը համեմատին մեր էութիւնը կազմող ու ինքնութիւնը երաշխաւորող բարոյական, հոգեւոր ու ազգային արժէքներուն։
Կարդացեք նաև
Մեր եկեղեցին մէ՛կ է։ Մեր Հայրենիքը մէ՛կ է։ Մեր ազգը մէ՛կ է։ Պառակտումի, երեւելի թէ աներեւոյթ, փորձերուն դիմաց, մենք պէտք է հաւաքաբար ըսենք՝ Ո՛Չ։
Ա՛յս է պատգամը մեր պատմութեան, մեր հերոսներուն ու մեր սուրբերուն, այսօ՛ր ու մի՛շտ։
ԱՐԱՄ Ա. ԿԱԹՈՂԻԿՈՍ
