«Բոլոր պայմանավորվածությունները, որ ձեռք ենք բերել, գրել, ստորագրել ենք Ադրբեջանի հետ, դրանք համարում եմ փոխշահավետ։ Այս փոխշահավետությունն է, որ ապահովելու է պայմանավորվածությունների հետագա ընթացքը, հարատևությունը»,-ՀՀ ԱԺ արտաքին հարաբերությունների մշտական հանձնաժողովի նիստի ժամանակ պետական բյուջեի 2026 թվականի նախագծի քննարկման ժամանակ հայտարարեց ՀՀ ԱԳ նախարար Արարատ Միրզոյանը։
Նրա բնութագրմամբ՝ մանիպուլյացիաներ են, որ ասում են՝ Ադրբեջանը ստացավ ամեն ինչ, ՀՀ-ն՝ ոչինչ կամ հանձնեց ամեն ինչ։
Այնուհետև ասաց․ «Չեմ ուզում ներկայացնել ձեռք բերված պայմանավորվածությունները՝ մենք շատ ստացանք, իրենք քիչ ստացան այս սին ու կոնֆլիկտային տրամաբանության լույսի ներքո։ Այն, ինչ մենք ստացել ենք, մեզ ձեռնտու է։ Մենք շահագրգռված ենք այս ձեռք բերածը պահելու և զարգացնելու ուղղությամբ։
Կարդացեք նաև
Այն, ինչ ստացավ Ադրբեջանը, թվում է, թե ձեռնտու ու կարևոր է իրենց համար։ Եթե երկու երկրները համարում են, որ իրենց ձեռնտու ու շահավետ է երկու ձեռք բերված պայմանավորվածությունները, երկուսն էլ շահագրգռված են լինելու պահել ու զարգացնել։ Ինչ խոսք, հավելյալ արժեք կարող ենք դիտարկել նաև ԱՄՆ-ի նախագահի անձնական ներգրավվածությունը»։
Նիստն ամբողջությամբ՝ տեսանյութում
Տաթև ՀԱՐՈՒԹՅՈՒՆՅԱՆ
