«Եվրանեսթի պատմության մեջ առաջին անգամ է, որ մեր վրացի գործընկերները մեր կողքին չեն այս պաշտոնական հանդիպումներում»,- Եվրանեսթ ԽՎ քաղաքական, մարդու իրավունքների եւ ժողովրդավարության հարցերի հանձնաժողովի նիստի ժամանակ այսպիսի մտահոգություն հայտնեց Եվրոպական խորհրդարանի պատգամավոր Ռասա Յուկնևիչենեն։ Նա Վրաստանի հարցերով զեկուցողն է։
Ասաց, որ Եվրոպական խորհրդարանում դրական զարգացումներ եղել են, օրինակ՝ Հայաստանի դեպքում խաղաղության համաձայնագրի գործընթացները, բայց մյուս կողմից, ըստ նրա, մտահոգիչ է Վրաստանի օրինակը․ «Ինձ համար ցավալի է մեր զեկույցներում կարդալ այն, ինչ տեղի է ունենում Վրաստանում, տեսնել այդպիսի գնահատականներ մի երկրի վերաբերյալ, որը տարիներ առաջ առաջատար երկիր էր, երբ խոսքը ԱԼԳ բարեփոխումների մասին էր»։
Ռասա Յուկնևիչենեն ասաց, որ Եվրանեսթը կարող էր պայքարի լավ հարթակ լինել ու նկատեց․ «Նրանք, ովքեր Վրաստանից մասնակցում են դիտորդի կարգավիճակում, այստեղ են կամ փողոցում պայքարում են, ողջունելի է նրանց ներկայությունը, բայց այս նիստը շատ լավ հարթակ կարող է լինել ոչ միայն գնահատելու իրավիճակը, այլ օգնել միմյանց պայքարել նույն չարիքի դեմ, և դրա անունն է կայսերապաշտական Ռուսաստան»։
Եվրանեսթ ԽՎ քաղաքական, մարդու իրավունքների եւ ժողովրդավարության հարցերի հանձնաժողովի նիստն ամբողջությամբ՝ տեսանյութում
Կարդացեք նաև
Տաթև ՀԱՐՈՒԹՅՈՒՆՅԱՆ
