«Իմ քայլը» դաշինքից ՀՀ ԱԺ 7-րդ գումարման պատգամավոր, պատմաբան, պատմական գիտությունների թեկնածու, ԵԽԽՎ-ում Հայաստանի պատվիրակության նախկին անդամ, ադրբեջանագետ Տաթևիկ Հայրապետյանի տելեգրամյան գրառումը
«Հարց է առաջանում՝ ի՞նչ պետք է անեն Հայաստանն ու հայերը։ Պատասխանը կոնկրետ է. նրանք պետք է անվերապահորեն ընդունեն Ադրբեջանի բոլոր պայմանները, ներողություն խնդրեն ադրբեջանական պետությունից և ժողովրդից, փոխհատուցեն մարդկանց ու նրանց գույքին հասցված վնասը, ինչպես նաև բարձր մակարդակով ապահովեն փախստականների խաղաղ վերադարձը Արևմտյան Ադրբեջանի իրենց հայրենի գյուղեր ու տներ։
Մեր պետությունների և ժողովուրդների միջև խաղաղության կայունությունը կախված է մեր ժողովուրդների համակեցությունից, իսկ մեր համակեցությունը՝ մեր փախստականների վերադարձից իրենց հայրենի հողեր», – նշել է երեկ իր հարցազրույցում ադրբեջանցի պատգամավոր, զավթողական անունը կրող «համայնքի» ղեկավար Ալիքբերլին։
Ադրբեջանում ոչ իրենց զավթողական նպատակներն են թաքցնում, ոչ էլ ատելությունը։ Ուղղակի մեզ մոտ ոմանց հարմար չէ դա տեսնելը, բայց դրա հետևանքով ձևավորվող վտանգները «վայելելու» ենք բոլորս․․․
