Գյումրու ավագանու «Կոմունիստական կուսակցություն» խմբակցության ավագանու անդամ Գևորգ Ղուկասյանը՝ Վարդան Ղուկասյանի եղբոր թոռը, որը կալանավորվել է երկամսյա ժամկետով ու կասկածվում է Գյումրու քաղաքապետ Վարդան Ղուկասյանին ձերբակալման օրը զանգվածային անկարգություններին մասնակցելու մեջ, վայր է դրել ավագանու մանդատը։
Այս մասին Aravot.am-ը տեղեկացավ թիվ 31 ընտրատարածքային ընտրական հանձնաժողովի նախագահ Տիգրան Ղազարյանից։
Նա տեղեկացրեց, որ Գևորգ Ղուկասյանը ինքնաբացարկ է հայտնել․ Գյումրու քաղաքապետի պաշտոնակատարի՝ Ավետիս Առաքելյանի կողմից կազմված արձանագրությունն այսօր ներկայացվել է ընտրատարածքային ընտրական հանձնաժողով։
Ըստ օրենքի, հանձնաժողովը 7 օրվա ընթացքում նիստ է հրավիրելու ու մանդատը փոխանցելու է ցուցակի հաջորդ թեկնածուին։
Կարդացեք նաև
Ամենայն հավանականությամբ ավագանու մանդատը վայր կդնի նաև նույն խմբակցության մեկ այլ կալանավորված անդամ՝ Սեդրակ Սահակյանը։ Հասկանալի է, որ կալանավորված անդամներին նորերով փոխարինելու նպատակը Գյումրիում ընդդիմադիրների կողմից իշխանությունը պահելն է։
Նունե ԱՐԵՎՇԱՏՅԱՆ
