-Այս գործում առնվազն գոյություն ունի խոսքերի, իրադրությունների եւ դեպքերի նենգափոխում: Այս մասին այսօր ահաբեկչության նախապատրաստման մեջ մեղադրվող Բագրատ սրբազանի եւ մյուսների գործով դատական նիստին հայտարարեց Բագրատ սրբազանը:
Նա ասաց, որ այս մասին ավելի վաղ հրապարակային հայտարարել են նաեւ իր պաշտպանները, հանցագործության մասին հաղորդում է տրվել, սակայն որեւէ իրավապահ իրավասու կառույց ընթացք չի տվել իրենց հաղորդումին. «Հրապարակային ասում եմ՝ ՀՀ գործող գլխավոր դատախազը եւ Քննչական կոմիտեի ղեկավարները ստախոսներ են»:
Նիստը նախագահողը միջամտեց, ասաց կարող է հանցագործության մասին հաղորդում ներկայացնել, բայց ոչ թե դատարանին, այլ իրավասու մարմնին: Դատավորը կոչ արեց նաեւ ելույթներով որեւէ մեկին չվիրավորել:
Կարդացեք նաև
-Իմ հայտարարությունը վիրավորանք չէր, հանցագործության մասին հաղորդում էր: 4 ամիս ՝ մեզ ինչ ասես ասել են, որեւէ մեկի բերանը չի փակվել, մարդիկ ինչ ուզես ասել են, վերջում ասել՝ քաղաքական գնահատական ենք տալիս: Մենք ընդունել ենք այդ հալածանքները,- հավելեց Բագրատ սրբազանը:
Արփինե ՍԻՄՈՆՅԱՆ
