Հնդկաստանի Գոա նահանգում ընթացող շախմատի աշխարհի գավաթի խաղարկության 1/128 եզրափակչի թայ-բրեյքից հետո Հայաստանի ներկայացուցիչ, գրոսմայստեր Կարեն Գրիգորյանը դուրս մնաց պայքարից: Նա անչափ համառ պայքարում 3,5:4,5 հաշվով զիջեց եգիպտացի գրոսմայստեր Ահմեդ Ադլիին:
Այսօր մեկնարկում է 1/64 եզրափակիչը: Ռոբերտ Հովհաննիսյանի, Հայկ Մարտիրոսյանի, Գաբրիել Սարգսյանի հետ միասին պայքարի մեջ կմտնի նաեւ Շանթ Սարգսյանը:
Մրցաշարն անցկացվում է «նոկաուտ« ձեւաչափով: Առաջին երեք տեղերը զբաղեցնող շախմատիստները իրավունք են ստանում մասնակցելու 2026 թվականին կայանալիք հավակնորդների մրցաշարին:
Աշոտ ՀԱԿՈԲՅԱՆ
