«Այսօրվա հերթական շինծու «դատավարության» ժամանակ Ռուբեն Վարդանյանը հրաժարվել է այս հայատյաց փաստաբանի ծառայություններից։
Շատ ճիշտ է արել, նա հստակ տորպեդահարում է այս «դատական» ֆարսը, որը հիշեցնեմ, ուղղված է Հայաստանի Հանրապետության դեմ»,- տելեգրամյան գրառմամբ հայտնում է «Իմ քայլը» դաշինքից ՀՀ ԱԺ 7-րդ գումարման պատգամավոր, պատմաբան, պատմական գիտությունների թեկնածու, ԵԽԽՎ-ում Հայաստանի պատվիրակության նախկին անդամ, ադրբեջանագետ Տաթևիկ Հայրապետյանը։
Հիշեցնենք, Տաթևիկ Հայրապետյանն ավելի վաղ հայտնել էր, որ Ռուբեն Վարդանյանի նոր փաստաբան Էմիլ Բաբիշովն ինստագրամյան իր ալիքում ունի հեգնական տեսանյութեր, որտեղ Շուշիից ասում են՝ «Ի՞նչ եղավ, Փաշինյան»
