«Իսկ ինչո՞ւ էին մյուս լրատվամիջոցները որոշել լուսաբանել։ Որովհետեւ իրադարձություն է, որը հետաքրքիր է հանրությանը։ Ինչո՞ւ չի կարող Հանրայինի լուրերը իր յութուբյան ալիքով հեռարձակել, երբ 10-ից ավելի լրատվամիջոցներ կային։ Զարմանում եմ՝ ի՞նչ կա զարմանալու»,- այսօր խորհրդարանում լրագրողների հետ հակընդդեմ հարցուպատասխանի մեջ մտավ Հանրային հեռուստաընկերության տնօրեն Հովհաննես Մովսիսյանը։ Լրագրողներին հետաքրքրել էր՝ կիրակի օրը Հովհաննավանքում կայացած կեղծ պատարագը, որին մասնակցում էր Նիկոլ Փաշինյանը ինչո՞ւ է Հանրային հեռուստաընկերությունը ուղիղ եթերում լուսաբանել։
Մյուս հարցին՝ իսկ ինչո՞ւ Հանրային հեռուստաընկերությունը չի լուսաբանել կիրակի օրը Մայր Աթոռում կաթողիկոսի գահակալության 26-րդ տարեդարձին նվիրված պատարագը, Հովհաննես Մովսիսյանը պատասխանեց․ «Երբ Հանրային հեռուստաընկերությունը որեւէ պատարագ լուսաբանում է, Հանրայինին նախապես տեղեկացնում են պաշտոնական նամակով, քննարկվում է, տեղանքի զննություն է կատարվում ու որոշվում։ Դա մեծ աշխատանք է։ Այս դեպքում այդ իրադարձության վերաբերյալ որեւէ դիմում չի եղել»։
Նելլի ԳՐԻԳՈՐՅԱՆ


















































