«Համոզված եմ՝ այստեղ ինձ ճակատից «գյուլլեն», Արեւմուտքը ոչ մի բան չի անի: Արեւմուտքը որեւէ խնդիր չունի, իր նպատակն է՝ այս իշխանություններին քաջալերելն ու պատվեր տալը, երրորդ հանրապետության բոլոր ժողովրդավարական ինստիտուտներն իսպառ քանդելը»,- դատարանի մոտ, ՀՀ երրորդ նախագահ Սերժ Սարգսյանի գործով այսօր արդեն երրորդ նիստի ավարտից հետո, լրագրողների հետ զրույցում ասաց ՀՀԿ ԳՄ անդամ Էդուարդ Շարմազանովը։ Նա նույնպես այն կարծիքին է, որ արեւմտյան քաղաքական շրջանակները կրկնակի ստանդարտներով են առաջնորդվում եւ այս փուլում իրենց գերնպատակը սեփական շահերն առաջ մղելն է՝ ցանկացած գնով։ Համենայնդեպս, նա այլ բացատրություններ չի գտնում, թե ինչո՞ւ էին արեւմտյան ինստիտուտները ՀՀԿ-ի իշխանության տարիներին եւ դրանից էլ առաջ այդքան նախանձախնդիր բոլոր հարցերում, իսկ այժմ՝ անտրամաբանական աստիճան հասնող անտարբեր են։
Ինչ վերաբերվում է Սերժ Սարգսյանի գործին եւ դատախազության այսօրվա կեցվածքին, ինչի արդյունքում երրորդ նախագահին երեք անգամ դատարան կանչեցին, Էդուարդ Շարմազանովն ասաց․ «Այս իշխանությունների գործողություններում արդարադատություն ու տրամաբանություն չկա։ Դատախազության նման հապճեպ միջնորդություններում տրամաբանություն փնտրելն անշնորհակալ գործ է: Իսկ այս իշխանությունների արդարադատության եւ ժողովրդավարության արժեքների վերաբերյալ խոսելն անիմաստ է: Ինչքան իրենք խոսեն ժողովրդավարության բաստիոնի մասին, տասնյակ քաղբանտարկյալների առկայությունը խոսում է մի կարեւոր փաստի մասին, որ Հայաստանը միլիոնավոր կիլոմետրերով հեռու է ժողովրդավարությունից եւ հստակ քայլերով գնում է դեպի քաոս, հակաօրինական ռեժիմ»:
Մանրամասները՝ տեսանյութում
Կարդացեք նաև
Ամբողջական տեսանյութը՝ այստեղ
Նելլի ԳՐԻԳՈՐՅԱՆ
