68-րդ «Գրեմմի» մրցանակաբաշխությունը կկայանա 22026 թվականի փետրվարի 1-ին։ Այն արդեն 23-րդ անգամ կկայանա Լոս Անջելեսի հայտնի Crypto.com Arena համալիրում:
Հայաստանը ներկայացնող կոմպոզիտոր Շուշան Սարգսյանի «Reflections» և «Dialogue» մոնո-օպերաները ընդգրկվել են Recording Academy-ի 68-րդ «Գրեմմի» մրցանակաբաշխության «Լավագույն դասական ժամանակակից ստեղծագործություն» անվանակարգում։
Կոմպոզիտորի ստեղծագործությունները թողարկվել են ԱՄՆ-ում եւ արդեն հասանելի են աշխարհի շուրջ 150 երաժշտական հարթակներում։
Շուշան Սարգսյանն Aravot.am-ին տեղեկացրեց, որ ստեղծագործությունները օրերս ներկայացվել են ԱՄՆ մայրաքաղաք Վաշինգտոնում։
Կարդացեք նաև
Մասնավորապես, Մերիդիան միջազգային կենտրոնում, կայացել է Հայաստանի Հանրապետության անկախության 34-րդ տարեդարձին նվիրված հանդիսավոր ընդունելություն, որի մշակութային հատվածում հնչել է նրա «Dialogue» մոնո -օպերան։
«Dialogue»-ը կատարել են դաշնակահար Մարտին Շաղբազյանն ու Ասատուր Բալջանը։ Շուշանից տեղեկացանք, որ միջոցառմանը մասնակցել է նաեւ Սան Ֆրանցիսկոյից ժամանած պրոդյուսեր Յուրի Վոլոդարսկին, որն էլ ներկայացրել է հայ կոմպոզիտորի մոնո-օպերաները Recording Academy մրցանակաբաշխությանը։
«Մեծ պատիվ էր իմ մոնո-օպերաները ներկայացնել ԱՄՆ մայրաքաղաքում՝ Հայաստանի անկախության տոնին նվիրված կարեւոր միջոցառման շրջանակում։ Երաժշտությունը այն լեզուն է, որը միավորում է բոլորին՝ անկախ սահմաններից եւ մշակույթներից։ Սա եւս մեկ քայլ է դեպի մեր մշակույթի միջազգային ճանաչումը»։
Հավելենք, որ Շուշան Սարգսյանի «Reflections» և «Dialogue» նախագիծն իրականացվել է ՀՀ ԿԳՄՍ նախարարության աջակցությամբ: Այս ստեղծագործությունները ստեղծագործությունները բացառիկ են նրանով, որ երկու դեպքում էլ կոմպոզիտորը հրաժարվել է տեքստից, իսկ ամբողջ դրամատուրգիան կառուցված է մեր այբուբենի հնչյունների միաձուլման եւ տեղաշարժի վրա:
Գոհար ՀԱԿՈԲՅԱՆ
