Ադրբեջանը, որն ավելացրել է իր պաշտպանական ծախսերը մեկ հինգերորդով, պարզվում է «մտահոգված» է Հայաստանի զենքի գնումներից։
«Մտահոգություն» արտահայտելու պաշտոնական հիմք ունենալու համար Բաքուն Երևանին մշտապես մեղադրում է «ռազմականացման» մեջ։
«Հայաստանի ռազմականացումը լուրջ մտահոգության առարկա է Ադրբեջանի համար և դիտվում է որպես տարածաշրջանային կայունության սպառնալիք։ Մեր երկրի դիրքորոշումն այս հարցում հստակ, հիմնարար և հետևողականորեն փոխանցվել է մյուս կողմին։ Կարծում ենք՝ այն փուլում, երբ նախաստորագրվել է խաղաղության պայմանագիր և ընթանում են սահմանների սահմանազատման և կարգավորման գործընթացներ, Հայաստանի զանգվածային զինումը հակասում է խաղաղության օրակարգին, խոչընդոտում է վստահության կառուցմանը և խթանում է սպառազինությունների մրցավազքը տարածաշրջանում»,- APA-ին հայտարարել է Ադրբեջանի ԱԳՆ մամուլի ծառայության ղեկավար Այխան Հաջիզադեն։
Թարգմանությունը` News.am-ի
