Հակակոռուպցիոն քաղաքացիական դատարանում (դատավոր՝ Լիլի Դրմեյան) շարունակվում է ապօրինի ծագում ունեցող գույքի բռնագանձման մասին ՀՀ գլխավոր դատախազությունն ընդդեմ Գորիս համայնքի ղեկավար Առուշ Առուշանյանի գործով քննությունը:
Դատախազ Ա .Հարությունյանը միջնորդություն է ներկայացրել դատարան`ապացույցների վերաբերյալ: Նա խնդել է դատարանին ներկայացնել փոխառության պայմանագրերից մեկը` բնօրինակը, քանի որ մտադիր է հանդես գալ նոր միջորդությամբ:
Ի դեպ, նշվում է, որ այս գործով կա փոխառության պայմանագիր, որը կնքվել է այն ժամանակ, երբ համայնքի ղեկավարը հանրապետությունից դուրս էր գտնվում:
Դատական նիստը հետաձգվեց, քանի որ կողմերին անհրաժեշտ էր ժամանակ:
Կարդացեք նաև
Այն կշարունակվի դեկտեմբերի 17-ին:
Հիշեցնեմ, որ հուլիսի 21-ին դատարանը քննության առնելով թիվ ՀԿԴ/0008/02/24 հակակոռուպցիոն քաղաքացիական գործը՝ պահանջի մի մասն առանձին վարույթում առանձնացնելու հարցով որոշում է կայացրել, գործից առանձին վարույթում առանձնացնել ՀՀ գլխավոր դատախազության հետեւյալ պահանջը.
Առուշ Առուշանյանից որպես ապօրինի ծագում ունեցող գույք հօգուտ Հայաստանի Հանրապետության բռնագանձել 253.583.891 ՀՀ դրամի չափով գումար, որը չի հիմնավորվում անձի օրինական եկամուտներով, ունի ապօրինի ծագում, փոխանցվել է բարեխիղճ ձեռքբերողի կամ հնարավոր չէ նույնականացնել եւ բռնագանձել եւ` 370.077.000 ՀՀ դրամը՝ որպես ապօրինի ծագում ունեցող եկամտի մնացորդ։
Ռուզան ՄԻՆԱՍՅԱՆ
«Առավոտ» օրաթերթ
07.11.2025
