«Աստծո հետ իմ հարաբերություններում այլոց աջակցության կարիքը չունեմ։ Ես պատարագի եմ գնում, ես չեմ գնում հանրահավաքի»,-լրագրողների դիտարկմանը՝ այն, որ մեծ բազմություն չի հավաքվում պատարագներին, որոնց մասնակցում է Նիկոլ Փաշինյանը և հարցին՝ կարո՞ղ ենք ենթադրել, որ Կաթողիկոսին հեռացնելու գործընթացում միայնակ է մնացել, քանի որ չունի հանրային աջակցություն, ճեպազրույցում այսպես պատասխանեց ՀՀ վարչապետ Նիկոլ Փաշինյանը։
Լրագրողների դիտարկմանը՝ ասում եք՝ պատարագի եք գնում, ոչ թե հանրահավաքի, բայց Ձեր մասնակցած պատարագների ժամանակ ծափահարում են, մինչդեռ պատարագներին ծափահարելու սովորություն չկա, Նիկոլ Փաշինյանն արձագանքեց․ «Ո՞վ է որոշում՝ պատարագների ժամանակ ծափահարո՞ւմ են, թե՝ ոչ։ Դա որոշում է պատարագի մասնակիցը։ Այդ շարքը շարունակելու եմ։ Հետևողականորեն գնալու եմ այդ օրակարգով։ Մենք պետք է մաքրվենք․ սա ինձ համար մաքրվելու ճանապարհ է»։
Լրագրողները հետաքրքրվեցին՝ իրեն քանի՞ տարի է պետք «մաքրվելու համար», Նիկոլ Փաշինյանը ծիծաղով պատասխանեց․ «Կապրենք, կտեսնենք»։
Կարդացեք նաև
Ճեպազրույցն ամբողջությամբ՝ տեսանյութում
Տաթև ՀԱՐՈՒԹՅՈՒՆՅԱՆ
