Նիկոլ Փաշինյանը ուշադրությամբ հետեւել է ադրբեջանցի պաշտոնյաների՝ «Թրամփի ուղին պետք է գործի Ադրբեջանի համար ընդունելի պայմաններով», հայտարարության շուրջ սոցիալական ցանցերում տեղի ունեցող քննարկումներին։
Խորհրդարանում հարցուպատասխանի նիստի ժամանակ այդ առիթով հարցին նա պատասխանեց․ «Բայց մենք չենք ասում, որ Ադրբեջանի համար անընդունելի պայմաններով պետք է գործի եւ մենք թուղթ ենք ստորագրել, թե ո՞րն են Ադրբեջանի համար ընդունելի պայմանները»։
«Թրամփի ուղու» մասով էլ մանրամասնեց․ «Մինչեւ տարեվերջ մենք թղթի վրա պետք է նկարագրենք բոլոր մանրամասները։ 2026-ի առաջին կեսին պետք է համաձայնեցնենք, երկրորդ կեսին սկսենք շինարարական աշխատանքները»։
Միաժամանակ նկատեց՝ նման ծրագրերը միշտ ժամկետի մեջ շեղում են ունենում, բայց ՀՀ-ն ամեն ինչ կանի, որ ժամկետը հստակ աշխատի։
Կարդացեք նաև
Նա նաեւ հայտարարեց՝ այժմ միայն հստակ է, որ երկաթուղին անցնելու է ԽՍՀՄ ժամանակ ունեցած գծով։ Այլ երկաթգծի կառուցումը անիրատեսական է համարում։
Գազամուղը եւ էլեկտրական գծերն անցնելու են երկաթուղուց էականորեն հյուսիս։ Նիկոլ Փաշինյանը չի կարող ասել՝ որո՞նք Սյունիքի մարզում կմնան, որոնք Վայոց Ձորի։ Ավտոճանապարհների մասով էլ ասաց՝ Արեւելք-Արեւմուտք ճանապարհները կինտեգրեն Հյուսիս-Հարավին։
Մանրամասները՝ տեսանյութում
Ամբողջական տեսանյութը՝ այստեղ
Նելլի ԳՐԻԳՈՐՅԱՆ
