«Պղծության հասնող ուրացում»,- «Հայաստան» խմբակցության պատգամավոր Լիլիթ Գալստյանն այսպես է բնութագրում Հայաստանի ՔՊ-ական իշխանության քաղաքականությունը՝ Արցախի, արցախցիների, Բաքվում գերեւարված հայ ռազմագերիների նկատմամբ։
Այսօր խորհրդարանական ճեպազրույցներում նա կրկին փաստեց, որ Բաքվի կողմից գերեվարված հայերի ճակատագիրը բացարձակապես քաղաքական օրակարգ չէ ՀՀ-ի համար՝ հիշեցնելով, որ «Եվրանեսթ» խորհրդարանական վեհաժողովում «Քաղաքացիական պայմանագրի» պատգամավորները չեն պաշտպանել ամփոփիչ բանաձեւում արցախցիների վերադարձի վերաբերյալ առաջարկի ներառումը։ Իսկ դրանից առաջ՝ Պորոյում կայացած միջազգային մեկ այլ հավաքի ժամանակ չեն միացել նույն հարցով իր առաջարկին։
«Արցախի ուրացումից հետո ավելի ոչ բարոյական վարքագիծ ՀՀ քաղաքական իշխանությունների կողմից դժվար է պատկերացնել»,-ասաց նա։
Մանրամասները՝ տեսանյութում
Կարդացեք նաև
Ամբողջական տեսանյութը՝ այստեղ
Նելլի ԳՐԻԳՈՐՅԱՆ
