ՀՀ ԱԺ ՔՊ խմբակցության պատգամավոր Սոնա Ղազարյանի ֆեյսբուքյան գրառումը
Հետաքրքիր հարթակ է Տիկտոկը. ինչ ասես, ում ասես չես հանդիպի:
Այսօր առավոտյան մի տեսանյութ աչքովս ընկավ, որտեղ ինքն իրեն որպես հոգեբան ներկայացնող մի կին տեսանյութ է հրապարակել, որտեղ «նիկոլական ընտրազանգվածին» հրաժարվում է սպասարկել, և դրա հիմքում երկու պատճառ է դնում:
Մի կողմ դնենք ֆիլտրերով վիդեո տեղադրող «հոգեբանի» որակավորումների մասին իմ դատողությունն ու գրագիտությունը, այն, ինչ անում է այդ «մասնագետը», Հայաստանի Հանրապետության Քրեական Օրենսգրքի 203-րդ հոդվածով արգելված և քրեորեն պատժելի արարք է:
Կարդացեք նաև
Քաղաքական կամ այլ հայացքներ պայմնավորված խտրականությունը կարող է պատժվել տուգանքով՝ առավելագույնը տասնապատիկի չափով կամ ավելի խիստ՝ ազատազրկմամբ 4-ից 8 տարի։
Ես, իհարկե, դիմելու եմ իրավապահ համակարգին, իսկ այդ հոգեբանի մոտ՝ ինչպես ինքն է նշում անգամ ծանոթով չի սպասարկի «քպ ընտրողի», ոչ միայն ցանկություն չի լինելու գնալ, այլ ես խրախուսում եմ չդիմել երբևէ նման տոքսիկ մասնագետների:
Սիրելի ընկերներ՝ հոգեբաններ և իրավաբաններ, կարծում եմ՝ այս գործունեությունը պետք է լիցենզավորվի, հոգեբանների համայնքը պետք է կարողանա գործընթաց նախաձեռնել նման մասնագետներին լիցենզիայից զրկելու համար:
