Վաղարշապատի ավագանու արտահերթ ընտրությանը մասնակցող ուժերի շտաբեր մեր այցելությունների շրջանակում այցելեցինք իշխող «Քաղաքացիական պայմանագիր» կուսակցության շտաբ, որտեղ Լոռու մարզպետ Արեն Մկրտչյանը անհարգալից վերաբերմունք ցուցաբերեց Aravot.am-ի լրագրողներից մեկի նկատմամբ։
Նախ, մտանք շտաբ եւ ներկա մոտ 30 անձանցից մեկից փորձեցինք ճշտել՝ ո՞ւմ հետ կարող ենք զրուցել՝ լսելու համար ՔՊ-ի տպավորությունները կամ մտահոգությունները ընտրության ընթացքից։
Հորդորեցին սպասել դրսում։ Սպասում էինք, երբ նկատեցինք Լոռու մարզպետ Արեն Մկրտչյանին։ Խնդրեցինք իր մեկնաբանությունն ընտրության առթիվ։ Նա հրաժարվեց խոսել մեզ հետ՝ նշելով, որ վաղարշապատցի չէ, ավելի լավ է տեղացի ՔՊ-ականի հետ զրուցենք։
Երկրորդ անգամ մեկնաբանություն խնդրելուց հետո Մկրտչյանը վրդովվեց։ «40 անգամ չեմ ասելու», – ասաց նա, շարունակեց՝ «50 անգամ նույն բանն եք ասում։ Հեռու գնա՛, հլը հեռու գնա՛ ինձնից»։
Կարդացեք նաև
Այսպիսով՝ ՔՊ-ից մեկնաբանություն ստանալ Aravot.am-ին չհաջողվեց։
Արսեն ԱՅՎԱԶՅԱՆ
