Այս միջնորդությունն ի սկզբանե պետք է մերժված լիներ, բայց աբսուրդ է՝ տեւում է արդեն հինգ ամիս: Այսօր հակակոռուպցիոն դատարանի շենքի բակում լրագրողներին ասաց Սամվել Կարապետյանի պաշտպաններից Արամ Վարդեւանյանը:
Հիշեցնենք, որ դատավոր Սարգիս Դադոյանի նախագահությամբ, ընթանում է գործարար, բարերար Սամվել Կարապետյանի կալանքի երկարաձգման միջնորդության քննությունը։
Արամ Վարդեւանյանը նկատեց, որ կալանքի երկարաձգման միջնորդության քննության նույն ժամին զուգահեռ՝ Հանրային ծառայությունները կարգավորող հանձնաժողովում արդեն երրորդ օրն է՝ քննում է «Տաշիր կապիտալին» տրված ՀԷՑ-ի լիցենզիայից զրկելու հարցը. «Նույն օրը նույն ժամին առավել քան խոսուն է, եթե հետ գնանք, որ երկու հանգամանքներն էլ ենթակա են մերժման»:
Կարդացեք նաև
Նրա խոսքով՝ որեւէ ընկերություն չկա, որտեղ խախտում չլինի, բայց խախտում, որը ենթադրի լիցենզիայից զրկում, աբսուրդի տիրույթից է. «Բայց ամեն ինչ ունի սկիզբ եւ վերջ»:
Արփինե ՍԻՄՈՆՅԱՆ
