Իսպանիայի Լինարես քաղաքում մեկնարկել է շախմատի աշխարհի կանանց թիմային առաջնությունը, որին մասնակցող 12 հավաքականները բաժանվել են երկու խմբի:
Վիճակահանությամբ «A» խմբում հայտնված ԱՄՆ թիմում հանդես են գալիս մեր երկու հայրենակիցներ՝ Տաթեւ Աբրահամյանը եւ Աննա Սարգսյանը, որը վերջերս է տեղափոխվել Միացյալ Նահանգներ ու հասցրել է նվաճել շախմատային այդ գերտերության կանանց փոխչեմպիոնի կոչումը:
Հետաքրքրական է, որ Միացյալ Նահանգների հավաքականի ավագը Մելիքսեթ Խաչիյանն է:
Կարդացեք նաև
Արդեն կայացել է առաջին տուրը, որում ԱՄՆ-ը 2,5:1,5 հաշվով հաղթել է Իսպանիային:
Աշոտ ՀԱԿՈԲՅԱՆ
