«ԱՄՆ պետքարտուղարի տեղակալի հետ հանդիպման ընթացքում ես հատուկ անդրադարձ եմ կատարել այդ հարցին՝ արձանագրելով, որ նախագահ Թրամփը, այդ թվում՝ հրապարակային խոսել է այդ հարցով զբաղվելու իր հանձնառության մասին։ Ես ներկայացրել եմ, թե մենք երկկողմ մակարդակում ինչ ենք անում այդ խնդրի հետ կապված եւ ԱՄՆ պետքարտուղարի տեղակալին խնդրել եմ տեղեկություն տալ, թե ԱՄՆ կողմից ինչ ջանքեր են գործադրվում այդ ուղղությամբ։ Եվ խնդրել եմ այդ հարցը պահել ուշադրության կենտրոնում»,- կառավարության այսօրվա նիստից հետո լրագրողներին ասաց Նիկոլ Փաշինյանը՝ անդրադառնալով Բաքվի բանտերում գտնվող հայ գերիների հարցին։
Մանրամասները՝ տեսանյութում
Փաշինյանն անդրադարձավ նաեւ Ադրբեջանի եւ Թուրքիայի կողմից օգտագործվող, այսպես կոչված, «Զանգեզուրի միջանցք» արտահայտությանը։ «Ես ասել եմ՝ ՀՀ տարածքով անցնող կոմունիկացիաների կամ որեւէ բանի անուն կարող է որոշել ՀՀ-ն։ Եվ մենք ասել ենք, որ ՀՀ-ում, բացի մեր ասածից՝ ուրիշ անունով կոմունիկացիա գոյություն չունի։ Հայաստանում կա «Խաղաղության խաչմերուկ» եւ զուգահեռաբար նաեւ Վաշինգթոնում ստորագրված հռչակագրի արդյունքում կա TRIPP նախագիծը։ Ցանկացած այլ տերմինաբանություն վերաբերելի չէ ՀՀ-ին»,- նշեց նա։
Կարդացեք նաև
Ամբողջական տեսանյութը՝ այստեղ
Ռոզա ՀՈՎՀԱՆՆԻՍՅԱՆ
