«Բոլոր ոլորտներում գնում է բռնապետություն, որն ուղեկցվում է կոնկրետ գեբելսյան քարոզչությամբ»,-«Իշխանության գրոհը սահմանադրական ազատությունների դեմ և մեր պատասխանը» թեմայով հանրային ֆորումի ժամանակ ահազանգեց քաղտեխնոլոգ Կարեն Քոչարյանը։
Անդրադառնալով Հայ առաքելական եկեղեցու դեմ իրականացվող ճնշումներին՝ նա ասաց․ «Ես Հայ առաքելական եկեղեցու հետևորդ եմ, որ ասեմ՝ խորը հավատացյալ եմ, չէ, ի տարբերություն որոշ մարդկանց՝ անգիր չեմ անում սաղմոսները և այլն, այնուամենայնիվ մի փոքր լայն դիտարկենք, ինչի համար ենք ուզում լայն կոնսոլիդացիան։ Հնչել են արտահայտություններ՝ կառավարությունը ես եմ՝ գործադիր իշխանության ուզուրպացիա, շրջափակում ենք դատարանները՝ վնգստացող դատավորներ՝ դատական իշխանության ուզուրպացիա։ Վերջերս կապված Սաթիկ Սեյրանյանի հետ, տեսնում ենք՝ ինչպիսի ոհմակով հարձակում է գնում, նաև փաստաբանների նկատմամբ՝ մասսայական»։
Կարեն Քոչարյանը ցավով նշեց, որ այս ամենը տեղի է ունենում միջազգային կազմակերպությունների լուռ համաձայնության ներքո։
Կարդացեք նաև
«Իշխանության գրոհը սահմանադրական ազատությունների դեմ և մեր պատասխանը» թեմայով հանրային ֆորումն ամբողջությամբ՝ տեսանյութում
Տաթև ՀԱՐՈՒԹՅՈՒՆՅԱՆ
