Ազատ գյուղի կացարանում բռնկված հրդեհի գործով այսօր փորձագետ Դավիթ Մելքումյանի հարցաքննության ընթացքում զոհված զինվորների ծնողների կողմից բազմաթիվ էմոցիոնալ ընդհատումներ եղան:
-Ձեր ժպիտը ինչո՞վ է պայմանավորված, բոլոր հարցերին ժպիտով եք պատասխանում, 15 տղա է կյանքից զրկվել,- սրտնեղեց զոհված Հայկ Կիրակոսյանի հայրը:
Կարդացեք նաև
Մեկ այլ դեպքում իրավիճակը սրվեց պաշտպանական կողմի հարցերից, որոնք վերաբերում էին վառարանի տակ նախատեսված տակդիրին:
-Այ քեզ հարցադրումներ… Էդ ամեն ինչը որ լիներ, հրդեհը չէ՞ր լինելու հա՞,- իրենց տեղերից բորբոքվեցին ծնողները:
Զոհվածների հարազատներին չէին բավարարում նաև հարցաքննվող փորձագետի պատասխանները: Ծնողներից մեկը դա որակեց զառանցանք, դժգոհեց, որ ինչ հարց տալիս են, պատասխանում է՝ չեմ կարող ասել: Ծնողներից մեկը տեղից հաճախակի արձագանքելու համար նիստը նախագահողից ստացավ նախազգուշացում:
Արփինե ՍԻՄՈՆՅԱՆ
