Կյանքից հեռացել է Կրիշտիանու Ռոնալդուի հետ հանդիպած փոքրիկ Արեգը: Տեղեկությունն իր ֆեյսբուքյան էջում հայտնել է Արմեն Մարտիրոսյանը:
Իմ Արեգը լքեզ մեզ։
Ուզում եմ քեզ հենց էսպես հիշել՝ ռոքընռոլի տակ կյանքը վայելելիս…
8 տարուց ավել մենք միասին անցանք էս ճանապարհը, ու նաև դու ինձ սովորեցրիր՝ ոնց պիտի սիրել կյանքը, անգամ երբ ամեն ինչ շատ դժվար է։ Դու իմ ճանաչած ամենապայծառ ու իմաստուն հրաշքներից էիր։
Երջանիկ եմ, որ հասցրինք երազանքներդ իրականություն դարձնել, հասանք անգամ Ռոնալդուին… մենակ Ջեքի Չանին չհասցրինք հանդիպել, եղբայր, կներես ինձ դրա համար։
Հիմա արդեն կարող ես պարել տիեզերքում, իմ փոքր եղբայր, դու գտար քո խաղաղությունը:
Դու հաղթեցիր կյանքում, քանի որ ապրեցիր լիարժեք երջանիկ:
Խորապես ցավակցում եմ իմ լավ ընկերներ Աննա Բաբաջանյանին ու Արմենակ Խաչատրյանին այս ծանրագույն կորստի համար: Դուք իմ ճանաչած ամենաֆանտաստիկ ծնողներից եք, խոնարհումս:
