«Դատախազները համաձայնեցին իրավական փաստարկներին, որ տարբերակված մոտեցում է առկա, բայց վստահ եմ, որ դիրքորոշումն այսպիսինը չէր լինի, եթե չլիներ հանրային մեծ արձագանք։ Սա կարելի է համարել հանրային ճնշման հաղթանակ»,- «18 արդարների» գործով նիստի ընդմիջմանը, լրագրողների հետ զրույցում ասաց Լիդյա Մանթաշյանի պաշտպան Տաթեւիկ Սողոյանը։
Հիշեցնենք, դատարանն այսօր փոխեց Լիդյա Մանթաշյանի խափանման միջոցը՝ սահմանելով համակցված այլընտրանքային միջոց՝ վարչական վերահսկողություն եւ 2,5 միլիոն դրամ գրավ։
Դատախազները, որոնք մեկ շաբաթ առաջ առարկել էին Լիդյայի խափանման միջոցի փոփոխությանը՝ հիմք վկայակոչելով այն, որ նա կարող է խոչընդոտել գործի քննությանը, այսօր համաձայնեցին պաշտպանական կողմի դիրքորոշմանը, որ Լիդյայի նկատմամբ խտրական մոտեցում է դրսեւորվել։ Նրանք հատուկ ընդգծեցին, որ իրենց դիրքորոշման փոփոխությունը պայմանավորված չէ հարցի հանրային հնչեղությամբ։
Կարդացեք նաև
Մանրամասները՝ տեսանյութում
Իր խոսքում Բագրատ Սրբազանը դիմեց դատավոր Կարեն Ֆարխոյանին՝ ասելով, որ Լիդյայի կալանքի փոփոխության որոշումը կարող էր լինել մեկ շաբաթ առաջ, բայց չեղավ․ «Դուք այսօր ապացուցեցիք, որ ոչ թե արդարությունն ու արդարադատությունն է գործում, այլ նպատակահարմարությունը»։
Սրբազանն ասաց՝ վստահ է, որ դատավորը զղջում է, որ մեկ շաբաթ առաջ չի փոխել Լիդյա Մանթաշյանի խափանման միջոցը։
Կարեն Ֆարխոյանը բացատրեց՝ դատարանի մոտ որ պահին որ համոզմունք է առաջանում, այդ պահին էլ այդ դիրքորոշմամբ է առաջնորդվում։
Մանրամասները՝ տեսանյութում
Ամբողջական տեսանյութը՝ այստեղ
Նելլի ԳՐԻԳՈՐՅԱՆ
