Նիկոլ Փաշինյանի ու այլ բարձրաստիճան պաշտոնյաների հասցեին բռնության կոչի սպառնալիքով իրավապահների թիրախում են վերջին օրերին հայտնվել ոչ միայն հայաստանաբնակները, այլ սփյուռքահայեր:
Aravot.am-ի տեղեկություններով՝ Նիկոլ Փաշինյանին ուղղված «Դու քեզ շատ ես համեմատում Քրիստոսի հետ, արի ազգովի քեզ խաչենք, բալքիմ այդպես պրծնենք քեզնից» Գլենդելում բնակվող Դիանա Խեչոյանի այս մեկնաբանությունը իրավապահները դիտարկել ու համարել են վարչապետին ուղղված սպառնալիքի կոչ:
Խեչոյանն այս մեկնաբանությունը կատարել է նոյեմբերի 2-ին «Shabat.news» կայքի ֆեյսբուքյան էջում հրապարակված «Նիկոլ Փաշինյանը հաջորդ կիրակի կմասնակցի պատարագի՝ նվիրված զոհված զինվորների հիշատակին» խորագրով տեսանյութի տակ:
Իրավապահները զանգվածային լրատվության միջոցներն օգտագործելով ՀՀ Վարչապետի նկատմամբ բռնություն գործադրելու հրապարակային կոչի ՝ առերևույթ հանցանքի մասին հաղորդում են տվել ու ուղարկել ՀՀ քննչական կոմիտե՝ քրեական վարույթ նախաձեռնելու հարցը որոշելու համար:
Կարդացեք նաև
Արփինե ՍԻՄՈՆՅԱՆ
