Aravot.am-ն այսօր ահազանգ էր ստացել բնակիչներից մեկից, որ Շիրակի մարզպետարան չեն թույլատրում ներս մտնել, կառույցի մուտքը փակել են, պարեկներն էլ դրսում հսկողություն են սահմանում։
Մենք ճշտեցինք, որ ժամը 12․00-ի սահմաններում տուն են ուղարկել մարզպետարանի բոլոր աշխատակիցներին, Հայաստանի ԱԱԾ-ի ղեկավար կազմը՝ բազմաթիվ ԱԱԾ-ականների մասնակցությամբ, քննարկում է անցկացնում, որին ներկա են Գյումրիում տեղակայված 102-րդ ռազմաբազայի, ինչպես նաև ՌԴ-ի Արտաքին գործերի նախարարությունից ներկայացուցիչներ։
Թե ինչ են քննարկում, դեռևս հայտնի չէ, ժողովը դեռ չի ավարտվել։
Սակայն արդեն իսկ շրջանառվում է տեղեկություն, որ օրակարգում հարևան երկրի հետ սահմանների հնարավոր բացման հարցն է։
Կարդացեք նաև
Ըստ մեր տեղեկությունների, նման մի ժողով՝ ԱԱԾ-ականների ու ռուսական կողմի մասնակցությամբ, մոտ մեկ ամիս առաջ տեղի է ունեցել նաև Գյումրու հյուրանոցներից մեկի սրահում։
Նունե ԱՐԵՎՇԱՏՅԱՆ
