«Թուրքիան ներսից» – Հռոմի պապ Լևոն XIV-ը Ստամբուլում՝ հայկական Սուրբ Աստվածածին աթոռանիստ մայր տաճարում մասնակցում է պատարագի։ Այն մատուցում է Կ. Պոլսի հայոց պատրիարք Տ. Սահակ արքեպիսկոպոս Մաշալյանը։
Լևոն XIV-ը մայիսին ընտրվելուց հետո իր առաջին արտասահմանյան այցն իրականացնում է Թուրքիա, որից հետո մեկնելու է Բեյրութ։ Անկարայում պաշտոնական հանդիպումներից հետո նա այցը շարունակել է Բուրսայի Իզնիկի շրջանից, որտեղ է գտնվել Նիկեա հելլենական քաղաքը։ Այս տարի լրանում է Նիեկայի առաջին տիեզերական ժողովի (325թ․) 1700-րդ տարին։ Ստամբուլում ուրբաթ օրը Լևոն XIV-ը մեծ պատարագ է մատուցել, որին մասնակցել է շուրջ չորս հազար մարդ։
Լևոն XIV-ը Թուրքիա այցելած թվով հինգերորդ Հռոմի պապն է (1967, 1979, 2006, 2014) Թուրքիայի և Վատիկանի միջև դիվանագիտական հարաբերությունների հաստատումից (1960թ․) հետո։
