Ցանկացած բիզնես, որի անունը կկապվի իմ անվան հետ, բոյկոտե՛ք․ Աննա Հակոբյան

ՀՀ վարչապետ Նիկոլ Փաշինյանի քաղաքացիական կնոջ՝ Աննա Հակոբյանի ֆեյսբուքյան գրառումը

Հայտարարում եմ, որ մեր ընտանիքը չի օգտվել եւ չի օգտվում «88» սուպերմարկետներից։ Ես անձամբ երբեք չեմ եղել դրանցից որեւէ մեկում։ Ես չգիտեմ դրանք ինչ խանութներ են, որտեղ են գտնվում, ինչ որակի ծառայություն են մատուցում։ Անկեղծ ասած՝ չեմ էլ պատրաստվում երբեւէ օգտվել «88» կոչված խանութներից։ Ես արդեն շուրջ 20 տարի մեր ընտանիքին անհրաժեշտ գնումները կատարում եմ Երեւանի երկու տարբեր սուպերմարկետների ցանցերից եւ առաջիկայում էլ կշարունակեմ նույնը։

Բանջարեղեն գնում ենք քաղաքի տարբեր փողոցներում տեղավորված միրգ-բանջարեղենների փոքրիկ, գեղեցիկ կետերից։

Ասածս ինչ է՝ ես ոչ մի բնույթի առնչություն չունեմ «88» սուպերմարկետների ցանցի հետ, անգամ որպես շարքային սպառող դրանք ինձ խորթ են։

Կարդացեք նաև

«Աշխարհահռչակ բրենդների թանկարժեք հագուստներ չեն. Աննա Հակոբյանը դեռևս 6 տարի առաջ նշել է, որ հանդես է գալիս բացառապես հայ դիզայներների հագուստներով»

• 17:27 14.11.2025

«Մի մեծ երազանք ունեմ. ցանկանում եմ, որ մեր «Հաջողակից՝ սկսնակին» ծրագրի շահառուների բիզնեսները ձեր նվիրատվության շնորհիվ այնքան զարգանան, որ իրենք էլ մի օր նստած լինեն այս սեղանի շուրջ՝ արդեն որպես նվիրատու». Աննա Հակոբյան

• 17:19 14.11.2025

Իմ զորակցությունն եմ հայտնում Սամվել Կարապետյանի կնոջը և դստերը, Ռուբենի, Բակոյի, Արայիկի և մյուսների կանանց. Աննա Հակոբյան

• 15:04 07.11.2025

Տարբեր համայնքների սիրելի՜ բնակիչներ,

Խնդրում եմ, մի՛ հավատացեք այս խանութի եւ իմ անվան հետ կապվող բամբասանքներին։ Իսկ եթե ձեզ ամեն կերպ հավատացնում են, թե դրանք իմն են, ուղղակի բոյկոտեք եւ մի օգտվեք այդ ցանցից, մի շիշ ջուր անգամ մի գնեք «Աննա Հակոբյանի «88» սուպերմարկետներից»։

Եւ առհասարակ, ցանկացած բիզնես, որի անունը կկապվի իմ անվան հետ, բոյկոտե՛ք։ Եթե կան շրջանակներ, որոնք անպարկեշտ ձեւով կապում են իմ անունը այս կամ այն բրենդի հետ այս կամ այն նպատակով, թող իրենք իրենց մեջ պարզաբանեն իրենց հարցերը։ Իսկ մենք կբոյկոտենք։ Կարճ՝ կոնկրետ։