Իրավապաշտպան Տաթեւիկ Սողոյանը գրում է.
«Այս օրերին Երևանում են գտնվում Անհետ կորած անձանց միջազգային հանձնաժողովի (ICMP) ներկայացուցիչները: Հետաքրքրվում են, թե ՀՀ իշխանությունները ինչ քայլեր են ձեռնարկել պատերազմում անհետ կորած անձանց հարցը լուծելու ուղղությամբ, արդյո՞ք ընդունել են Նիդերլանդների Թագավորության դրամաշնորհով արված հետազոտության արդյունքով առաջարկված քայլերը թե՞ թողել են հարցը բախտի քմահաճույքին:
Հանդիպման ժամանակ ներկայացրել եմ, որ ՀՀ-ում անհետ կորած անձանց հարցով 2020թ. ի վեր զբաղվել է ԱԱԾ-ն, որի նախկին ղեկավարը` հումանիտար հարցերով վերջին 5 տարիների հիմնական բանակցողը պաշտոնից ազատվել է քաղաքական դրդապատճառով, իսկ նոր ղեկավարի կողմից այդ բանակցությունների շարունակման մասին որևէ բան հայտնի չէ:
Ընդ որում` չեմ թաքցրել տարակուսանքս, որ ներկայումս հոգևորականների «որսով» զբաղվող ԱԱԾ-ի առաջնահերթություններում չեմ տեսնում անհետ կորած անձանց փնտրտուքը:
Կարդացեք նաև
Ճիշտն ասած, հյուրերը մի քիչ լավ չհասկացան` ինչ կապ ունեն հատուկ ծառայությունները հոգևորականների հետ, բայց կարծում եմ այսօրվա նորությունները շատ լավ բացատրում են երբեմնի լուրջ կառույցի անլուրջ առաջնահերթությունները:
Ինչ ասեմ, տղաներ: Մի՛ դադարեք, խայտառակվեք մինչև վերջ»:
