Մարսելի Դենիզ դեպարտամենտի զբոսայգու Հայկական այգում, Ֆրանսիայի Սենատի անդամ Վալերի Բուայեն, Բուշ-դյու-Ռոնի դեպարտամենտի խորհրդի և Էքս-Մարսել-Պրովանս մետրոպոլի նախագահ Մարտին Վասալը ընդունել են Ամենայն Հայոց Կաթողիկոս Գարեգին Երկրորդին:
Հանդիպմանը մասնակցել են նաև Մարսելի 11-րդ և 12-րդ թաղամասերի թաղապետ Սիլվեն Սուվեստրը, Մարսելի 4-րդ և 5-րդ թաղամասերի թաղապետ Մարին Պուստորինոն, «ՀԲԸՄ-Մարսել»-ի նախագահ Ավրորա Բրունան, ինչպես նաև բազմաթիվ պաշտոնյաներ և հասարակական կազմակերպությունների ներկայացուցիչներ։
«Սա մեզ համար հնարավորություն էր վերահաստատելու մեր բարեկամությունը Հայաստանի հետ։
Տարիներ շարունակ պայքար եմ մղել՝ պաշտպանելու հայ ժողովրդին, նրա վիրավոր հիշողությունը, նրա մշակույթը, նրա ազատությունը, նրա ճշմարտության ճանաչումը և նրա անվտանգությունը, մասնավորապես Արցախում։
Կարդացեք նաև
Այսօր Ամենայն Հայոց Կաթողիկոսի ներկայությունը մեզ կրկին հիշեցնում է, որ այս պայքարն արդար է, անհրաժեշտ է և պետք է շարունակվի», – ֆեյսբուքյան գրառմամբ նշել է Վալերի Բուայեն։
