Դուբայում ընթացող բռնցքամարտի տղամարդկանց աշխարհի առաջնության մրցումային երկրորդ օրը Հայաստանի ազգային հավաքականի անդամ Հովհաննես Բաչկովը մեկնարկային մենամարտն անցկացրեց Քենիայի ներկայացուցիչ Վիսման Վուաթեի հետ եւ բացահայտ առավելությամբ ժամանակից շուտ հաղթանակի հասավ։
Առաջին ռաունդում Հովհաննեսը լավ ուսումնասիրեց մրցակցին, իսկ բոլոր հինգ կողային մրցավարները միաձայն գրանցեցին գյումրեցու առավելությունը։ Հանգստից հետո Հովհաննեսն անցավ վճռորոշ գործողությունների եւ երկու անգամ նոկդաունի ենթարկեց քենիացուն, ինչից հետո ռեֆերին դադարեցրեց միակողմանի մենամարտը՝ Վուաթեին ապահովագրելով հետագա ծանր հետեւանքներից։
Աշոտ ՀԱԿՈԲՅԱՆ
