Այսօր «ՀայաՔվեի» Գյումրու տարածքային կառույցի ղեկավար Անահիտ Ղազարյանը Յոթ Վերքում հնչեցրեց Վեհափառի և թեմակալ առաջնորդի զեղչված անունները։ Նրան Ամենայն հայոց կաթողիկոսի և Միքայել սրբազանի անունը տալու համար եկեղեցուց դուրս հանեցին: Անահիտ Ղազարյանը բարձրաձայնում էր՝ «Կաթողիկոս բարեկիրթը․․․»:
Փաշինյանական մի շարք համակիր կանայք ու տղամարդիկ նրան ամոթանք տվեցին կաթողիկոսի անունը տալու համար ու վիրավորական բառերով բնութագրեցին՝ «փնթի, գետինը մտնես, ամոթ է եկեղեցում» եւ այլն:
Ի դեպ` մի տղամարդ էլ Արցախի անունն էր տալիս:
Հիշեցնենք, որ Յոթ Վերքում այսօր Փաշինյանի մասնակցությամբ պատարագ է մատուցվում: Ներկա են ոչ միայն նրա համակիրները, ՔՊ-ական պաշտոնյաները, այլեւ Վեհափառի դեմ դուրս եկած եպիսկոպոսներից ոմանք, այդ թվում՝ Արցախի թեմի առաջնորդ Վրթանես սրբազանը:
Կարդացեք նաև
Հիշեցնենք նաեւ, որ Փաշինյանի մասնակցությամբ բոլոր պատարագներն անցկացվում են կանոնական խախտումներով, որի ընթացքում զեղչվում է թե՛ կաթողիկոսի անունը, թե՛ Արցախի հիշատակումը:
Արփինե ՍԻՄՈՆՅԱՆ
