Այսօր լրագրողները վարչապետ Նիկոլ Փաշինյանի հետ Գյումրու Սուրբ Յոթ վերք եկեղեցում պատարագի մասնակցած Ազգային ժողովի նախագահ Ալեն Սիմոնյանին հարցրեցին՝ աննախադեպ չէր արդյո՞ք շրջիկ հոգևորականներով պատարագի մասնակցելը, իշխանությանը չհաջողվեց իր սցենարով Գյումրիում պատարագ կազմակերպել, հետևաբար և ստիպված եղավ այլ թեմից հոգևորական բերել։
Ալեն Սիմոնյանը պատասխանեց․ «Ձեզ անընդհատ թվում է A4, A3 ֆորմատի թղթի վրա գրած ինչ-որ սցենար կա, որին նայում, ասում ենք՝ հիմա դու սա կասես, ո՛չ․․․
Սա հավատքին վերաբերող գործընթաց է, ցանկություն կա, որ այսպես լինի, այնպես լինի, բայց իրականությունն այլ կարող է լինել։ Ենթադրենք ձեր հարցի պատասխանն այո է կամ ոչ է, և՞։
Ես կարծում եմ՝ եկել է ժամանակը, որ մենք Մայր Աթոռ Էջմիածնում անցկացնենք հաջորդ պատարագը։
Կարդացեք նաև
Դա իմ անձնական կարծիքն է, չգիտեմ՝ վարչապետն ինչ կարծիք ունի, ես կարծում եմ՝ եկել է ժամանակն այնտեղ անցկացնելու»։
Նունե ԱՐԵՎՇԱՏՅԱՆ
