«Իսկ ինչո՞ւ՝ ինչ-որ մեկը հերքո՞ւմ է, որ պետության կողմից է ստեղծվել եկեղեցին։ Պետությունը որոշել է, որ պետական կրոն է քրիստոնեությունը։ Ես կարծում եմ՝ նպատակը և գաղափարը մեր պետության և պետականության գիտակցման, պետության ամրության և միասնականության գիտակցման մեջ է։ Յուրաքանչյուր կազմակերպությունում էլ՝ այդ թվում կրոնական, հատկապես եկեղեցում, ինչո՞ւ չի կարող լինել ՀՀ դրոշը և հնչել օրհներգը։ Գաղափար է, որը հնարավոր է իրացնել և գուցե իրացվի»,-լրագրողների հարցին՝ ի՞նչ կարծիքի է Նիկոլ Փաշինյանի առաջարկի մասին, որ պատարագից առաջ եկեղեցիներում հնչի ՀՀ պետական օրհներգը, եկեղեցում դրվի ՀՀ պետական դրոշը, և արդյոք սա սահմանադրությանը հակասող չէ, այսպես պատասխանեց ՀՀ արդարադատության նախարար Սրբուհի Գալյանը։
Դիտարկմանը՝ կան տեղեկություններ, որ ՀՀ կառավարության նիստերը նպատակ կա սկսել տերունական աղոթքով, Սրբուհի Գալյանն այսպես արձագանքեց․ «Նման տեղեկությունների չեմ տիրապետում, բայց դեմ չէի լինի»։
Սրբուհի Գալյանի ճեպազրույցն ամբողջությամբ՝ տեսանյութում
Կարդացեք նաև
Տաթև ՀԱՐՈՒԹՅՈՒՆՅԱՆ
