«Արցախի թեմի առաջնորդ Վրթանես սրբազանի հետ հանդիպում չեմ ունեցել»,- այսօր Արցախի ներկայացուցչությունում լրագրողների հետ զրույցում ասաց Արցախի Ազգային ժողովի նախագահ, Արցախի նախագահի պարտականությունները կատարող Աշոտ Դանիելյանը՝ անդրադառնալով Հայ Առաքելական եկեղեցու Արցախի թեմի առաջնորդ Տեր Վրթանես եպիսկոպոս Աբրահամյանի գործողություններին ու Նիկոլ Փաշինյանի հետ հանդիպմանը։
Աշոտ Դանիելյան
Նա նշեց, որ իրենց համար սպասելի չէր Վրթանես սրբազանի քայլը։ «Հայ Առաքելական եկեղեցին գնահատական տվել է այդ հանդիպման մասին։ Եվ ես գտնում եմ, որ մեր կողմից գնահատականներ տալն այստեղ ավելորդ է։ Պետք է սպասենք Մայր Աթոռի հայտարարություններին, թե ինչպես կարձագանքեն եւ հետագա իրենց քայլերն ինչպես կիրականացնեն»,- ասաց Աշոտ Դանիելյանը։
Անդրադառնալով ՀՀ իշխանությունների կողմից եկեղեցու դեմ տարվող արշավին՝ Աշոտ Դանիելյանն ասաց, որ դա անընդունելի է․ «Պետք է հանգիստ թողնել եկեղեցուն, Սահմանադրությունում էլ հստակ նշված է, որ պետությունը եւ եկեղեցին անջատ են։ Բոլոր խնդիրները, որոնք կան եկեղեցում, պետք է լուծվեն եկեղեցու ներսում»։
Մանրամասները՝ տեսանյութում
Կարդացեք նաև
Նշենք, որ Արցախի Ազգային ժողովն այսօր՝ Արցախի Սահմանադրության օրվա ընդունման առիթով, հրավիրել էր լսումներ՝
«Վերադարձ Արցախ. խնդիրներ, մարտահրավերներ, հնարավորություններ» թեմայով։
Ամբողջական տեսանյութը՝ այստեղ
Ռոզա ՀՈՎՀԱՆՆԻՍՅԱՆ
